Sie: Moa, guck e mol do no, des isch unser Bänkle.

Solle mir uns net a Weile nosetze?

Er:  Ja, des mache mir, no kenne mir a Weile ausruhe, des tut uns gut.

Sie: Heit scheint a Sonne emolsche warm, do känne mir uns so richtig sonne.

Er:  Meim Kreuz tut das a gut, Wärme tut halt überall gut.

Sie: Oh Moa, wie oft senmer ruf gloffe zu unserm Bänkle,

weisch noch, des were noch scheneZeite.

Er:  Ja, und jetzt ischdes scho so lang her, morgen sind´sscho 50 Johr.

Sie: und was mer do allweil do hend, do uf unserm Bänkle,

kannsch du dich noch erinnern?

Er:  Ha monsch net, so ebbes vergißt mer doch net.

Sie: Du moa, was monsch, mir soddets grad noch emol probiere?

       Do uf unserm Bänkle, des wär doch jetzt grad schee.

Er:  Oh Weib, was denksch a du, dozu sind mer zwei doch schoz’alt.

Sie: Moa jetzt komm, des isch doch im Alter au noch schee.

       Mir dät’s auf alle Fällemol wieder gfalle.

Er: Du bisch aber e Weib, denk doch emol an mei Kreuz,

      weisch doch, daß i mi nimmer bewege kann.

Sie: Guck, so anstrengend ischdes doch gar net, du hasch doch

       emol so gut könne, komm doch.

Er:Noi, noinochher kommt noch ebber vorbei, nodets heiße,

       jetzt gucketemol die zwei alte Simpel o.

Sie: Es ischt doch weit und breit kon Mensch, jetzt kumm halt emol.

Er:  Dobisch grausig, mit meim Kreuz kann i doch nimme so und no

        semmer halber fertig und schon steht ebberdo, was mache mir no?

Sie: Nohere  mir halt gschwinduff und machet nachher wieder weiter, komm jetzt und laß di doch net lang abettele,
du hasch’s doch emol gern gmacht.

Er: Weib, guck, glaub mir‘s, bei mir geht’s oifachnimme.

Sie: O Moa, mir dät’s halt gfalle, komm doch,

probiers halt eifachemol, douff unserm Bänkle.

Er:  S’dätmischo a omache, wenn i nur gnau wißt,

daß i des noch nobringedät.

Sie: Freilich kannsch du des, komm mach mir die Freud,

mir den halt langsam, no bringe mir des scho noch no.

Er: Wenn du mi halt so arg blogsch, nokumm halt her,

darfst halt net enttäuscht sei, wenn’s nimme so

gut klappt wie früher.

Sie: Oh, freitmi aber ganz arg. Nokummglei her.

Beide: Ennedennedubbedenne, dubbedennedannio

Ebbe bebbe bembio, bio bio buff